Haytham المدير العام
النوع :
| موضوع: تيجوا نعمل ثورة الجمعة 10 أغسطس 2012, 7:45 am | |
| [ندعوك للتسجيل في المنتدى أو التعريف بنفسك لمعاينة هذه الصورة]بعد ثورة يناير اللي احنا عملناها واحنا دى بقصد بيها كل المصريين مش بس الشباب مش بس الاحزاب والائتلافات مش بس اللي نزلوا الميادين لاء <<كل المصريين >> حتى حزب الكنبه اللى في البيوت أكيد شارك فى الثورة ولو حتى بقلبه
[ندعوك للتسجيل في المنتدى أو التعريف بنفسك لمعاينة هذه الصورة]
إحنا عملنا ثورة الناس كلها كانت بتحلف بيها وللأسف بقول كانت لأنى فجأه كدا إكتشفت إن كل اللى عملناه ضاع كده هباءآ منثورا روح الميدان اللي كلنا لمسناها خلاص بقى الله يرحمها
الناس اللى كانت بتتجمع عشان تشيل شوية قمامه من ع الارض إختفوا ليه ؟؟؟ عشان القمامه اتشآلت بالعكس القمامه بقت فى الشوارع أكتر من الاول الناس اللى كانت بتشيلها وقت الثورة هى الناس نفسها اللي بترمى عليها دلوقتى
[ندعوك للتسجيل في المنتدى أو التعريف بنفسك لمعاينة هذه الصورة]
الشباب اللى كانوا سهرانين طول الليل عشان يحموا بيت الراجل الكبير والست الغلبانه اللي معندهاش حد
[ندعوك للتسجيل في المنتدى أو التعريف بنفسك لمعاينة هذه الصورة]
دلوقتى لو شآفوآ حرامى فى عز النهار بيسرق حتى مبيرضوش يبصوا عليه طب مش هو ده الحرامى اللي كنتوا واقفين ليه في الشارع بالعصيان والاسلحه ولا ايه اللى حصل ؟؟؟
[ندعوك للتسجيل في المنتدى أو التعريف بنفسك لمعاينة هذه الصورة]
احترام القوانين والمرور والنظام اللى كان موجود وكله بيقول هبدأ بنفسى
[ندعوك للتسجيل في المنتدى أو التعريف بنفسك لمعاينة هذه الصورة]
ياترى راح فين ؟؟
روح التسامح و التعاون اللى كانت موجوده وكلنا إيد واحده
[ندعوك للتسجيل في المنتدى أو التعريف بنفسك لمعاينة هذه الصورة]
والناس بتعدى لبعضها اى حاجه راحت فين ليه الناس رجعت توقف لبعض ع الوحده من تانى
[ندعوك للتسجيل في المنتدى أو التعريف بنفسك لمعاينة هذه الصورة]
ليه الحماس اللى كان مالينا والتفاؤل اللى حسينا بيه مبقاش موجود ؟؟ حتى بعد انتخاب أول رئيس حقيقى لمصر بإرادة شعب مصر ليه إنتقلنا من انت فلول وانت ثورى لإنت مرسى وانت شفيق
[ندعوك للتسجيل في المنتدى أو التعريف بنفسك لمعاينة هذه الصورة]
طب بدل ما نتهم بعض ونقف ضد بعض عشان أشخاص ماتيجوا نقف مع بعض عشان نبنى بلدنا
[ندعوك للتسجيل في المنتدى أو التعريف بنفسك لمعاينة هذه الصورة]
ليه كل ما أسأل حد انت شايف مصر هتبقى ازاى ؟؟ يقولى .. زفت طب ليه زفت ؟ انت حكمت منين على اداء الرئيس ولسه مكملش حاجه اصلاً إنت دخلت فى علم الغيب ده حتى ربنا حافظها وذاكرها فى القرآن الكريم وبرضه تفائلوا بالخير تجدوه
وبدل ما نشوفها زفت نشوفها حلوة نضيفه ليها كرامتها فى اى حته نشوفها بعمالها وطلابها ورجالتها
[ندعوك للتسجيل في المنتدى أو التعريف بنفسك لمعاينة هذه الصورة]
احنا بإيدينا نرجع كل حاجه حلوة عشناها وقت 25 من تانى
بايدينا ننضف شوارعنا ,, بإيدينا نحمى بعض ونخاف على بعض ,, بإيدينا نحترم إشارات المرور ,, بإيدينا نقف فى الطوابير بنظام ,, بإيدينا نعملنا كرامه ,, بإيدينا نحترم نفسنا ,, ونحترم بعض ,, ونحترم بلدنا.
احنا بإيدينا نكون أحسن شعب وأحسن بلد فى العالم ^^ (((بس لو إحنا عايزين )))
انا مش بقول كلام إنشا انا بقول اللى حسيته وعيشته ونفسى بجد نكون كويسين
تعالوا نفكر مع بعض بصوت عالى ونشوف كل واحد فينا بإيديه يعمل ايه ويعمله نحاول نبتدى إحنا بنفسنا
[ندعوك للتسجيل في المنتدى أو التعريف بنفسك لمعاينة هذه الصورة]
نبتدي من هنا من المنتدى ده يمكن نوصل للي احنا عايزينه يمكن نعمل حاجه كويسه وحد يسمع عنها ويعمل زينا احنا منرميش ورق فى الشارع حتى لو الناس كلها بترمى حوالينا يمكن لما يشوفنا بنرمى فى الصندوق يعملوا زينا [ندعوك للتسجيل في المنتدى أو التعريف بنفسك لمعاينة هذه الصورة]
ولو شوفنا حد بيعمل حاجه سلبيه نحاول ننصحه يمكن يرد علينا وحش << مش هنخسر كتير بس يمكن يستجيب << أكيد هنكسب أكتر نحاول نبتدى احنا دايما بكل حاجه عايزنها تكون ايجابيه ^^ بجد بقولها لأى شاب هنا حاول ماتعاكسش البنات في الشارع وقول لصحابك لو حد عمل كدا اتكلم معاهم واعتبر البنت دى أختك ^^ لأى حد بيدخن يحاول ميدخنش وسط الناس لأنك كدا بتأذيهم
لأى حد بيقف فى طابور يحاول يستحمل شوية ويستنى دوره
لما تحصل اى انتخابات تانيه ننزل كلنا ونشارك فيها مش هنكسل ولا نستهون بيها تانى
نساعد بعض فى اى حاجه
حاجات كتير اوى ممكن نعملها ونقدر نعملها احنا من هنا اللى يعمل حاجه ايجابيه حتى لو كانت صغيره أوى يقولنا عليها
اللي تعجبه الفكره يدخل ,, يكتب ,, ويشاركـ
,,,
وانا مستنى ... _________________
مع تحياتى : م / هيثم رمضان ( أدمن و مدير المنتدى ) ــــــــــــــــــــــــــــــــــــــــــــــــ
| |
|